കോച്ചായി രമേശ് പവാറിനെ വേണമെന്ന് ഹര്‍മ്മന്‍പ്രീത് കൗറും സ്മൃതി മന്ഥാനയും

0
320
views

ഇന്ത്യന്‍ വനിത ടീമിനു പുതിയ കോച്ചിനെ ബിസിസിഐ തേടുന്നതിനിടെ പുതിയ ട്വിസ്റ്റ്. രമേഷ് പവാര്‍ തന്നെ ഇന്ത്യയുടെ കോച്ചായി തുടരണമെന്ന് ആവശ്യപ്പെട്ട് ഹര്‍മ്മന്‍പ്രീത് കൗറും സ്മൃതി മന്ഥാനയും ബിസിസിഐയ്ക്ക് കത്തെഴുതിെന്നാണ് അറിയുന്നത്. അടുത്തിടെ മിത്താലി രാജും രമേഷ് പവാറും തമ്മിലുള്ള അസ്വാരാസ്യങ്ങള്‍ പുറത്ത് വന്നിരുന്നു. ഇതിനെത്തുടര്‍ന്ന് പവാറിന്റെ കരാര്‍ പുതുക്കേണ്ടതില്ലെന്ന് ബിസിസിഐ തീരുമാനിക്കുകയായിരുന്നു.

എന്നാല്‍ ഇപ്പോള്‍ ഹര്‍മ്മന്‍പ്രീത് കൗര്‍ പവാറിനെ പിന്തുണച്ച്‌ കത്തെഴുതിയതോടെ പവാറിനു വീണ്ടും കോച്ചായി അപേക്ഷിക്കാമെന്ന സ്ഥിതിയാവുമെന്നാണ് മനസ്സിലാക്കുന്നത്.പവാര്‍ വനിത ക്രിക്കറ്റിന്റെ മുഖം മാറ്റിയെന്നും മിത്താലിയെ ഒഴിവാക്കിയത് ഒരു മാനേജ്മെന്റ് തീരുമാനം മാത്രമായിരുന്നുവെന്നുമാണ് ഹര്‍മ്മന്‍പ്രീത് കൗര്‍ പറഞ്ഞത്. താനും സ്മൃതിയും സെലക്ടര്‍ സുധ ഷായും കോച്ചും ചേര്‍ന്നാണ് കഴിഞ്ഞ മത്സരത്തില്‍ വിജയിച്ച ടീമിനെ സെമിയിലും തുടരാമെന്ന തീരുമാനത്തിലെത്തിയതെന്നും ഹര്‍മ്മന്‍ തന്റെ കത്തില്‍ സൂചിപ്പിക്കുന്നു.

ന്യൂസിലാണ്ട് പരമ്ബരയ്ക്ക് ഒരു മാസം മാത്രം ശേഷിക്കെ പുതിയ കോച്ചിനെ അല്ല ടീമിനു വേണ്ടതെന്നും പവാര്‍ തന്നെ മതിയെന്നുമാണ് ഹര്‍മ്മന്‍പ്രീത് കൗറും സ്മൃതി മന്ഥാനയും ആവശ്യപ്പെടുന്നത്.

LEAVE A REPLY

Please enter your comment!
Please enter your name here